फलफुलका रोचक तथ्य, सही राख्छ स्वास्थ्य

फलफुलका रोचक तथ्य, सही राख्छ स्वास्थ्य

फललाई हामी फलफुल भनेर बुझ्छौं र व्यवहार गर्छौं। स्वास्थ्य र पोषणको लागी अभिन्न खानाको एक अंगका रूपमा फलफुललाई लिने गरिन्छ। भनिन्छ, फलफुल नियमित खाने व्यक्तिलाई हत्तपति रोगले छुन सक्दैन। त्यसो त नेपालमा ‘बेलाको राग’ भनेर मौसम अनुसारको फलफुल तथा तरकारी खानुपर्छ भन्ने मान्यता नै छ। जसको सिधा अर्थ हो आफु बसेको भूगोलमा उपलब्ध फलफुल स्वास्थ्य र आरोग्यको लागी अति नै महत्वपूर्ण हुन्छ। जसको नियमित सेवनले मानिसलाई स्वस्थ र तन्दुरूस्त रहन मदत गर्दछ। फलफुलको बहुगुणकारी विषेशताका पक्षमा हामी धेरै सचेत नै छौं तर यस्ता केही तथ्य छन् जसले फलफुलको हाम्रो जानकारीलाई थप प्रस्ट र रोचक बनाउँछ।

फलफुल बारेका रोचक तथ्य, सही राख्छ स्वास्थ्य - NepaliVirals

यी हुन् फलफुलका रोचक कुरा

 

  • फलफुलसँग संबन्धित पढ़ाईको विषयलाई ‘Pomology’ भनिन्छ।

 

  • अमेरिकाका पसलहरूमा बेचिने स्याउहरू एक वर्ष पुराना हुन्छन्।

 

  • विश्वको सबैभन्दा लोकप्रिय फल गोलभेडा (टमारटर) हो। यो विश्वभर नै उस्तै हिसाबले खपत हुन्छ।

 

  • लिची खाँदा एकदम ध्यान दिनुपर्ने कुरा के हो भने यसको बीउ (गेडा) जुन हामीले खाने भागको भित्र आकारमा पनि ठूलो हुन्छ त्यो खानु हुँदैन। त्यो विषालु हुन्छ।

 

  • विश्वभरमा जति अंगूर उत्पादन हुन्छ त्यसको ७१ प्रतिसत भाग रक्सी बनाउनमा प्रयोग हुन्छ।

 

  • स्याउको तेल मानिसको छालाको लागी निक्कै लाभदायी हुन्छ। स्याउको तेल लगाउँनाले अनुहारमा चाउरी पर्दैन भने छाला चिलाउने, दुख्ने तथा फुट्ने समस्या निको हुन्छ। अनुहार विशेष गरेर गाला फुट्ने समस्या हुनेहरूलाई यो निक्कै नै लाभदायी हुन्छ।

फलफुल बारेका रोचक तथ्य, सही राख्छ स्वास्थ्य - NepaliVirals

  • केरामा सानो मात्रामा भएपनि रेडियोधर्मी पदार्थ हुन्छ।

 

  • औषधी खानासाथ अंगुर खानेहो भने त्यसले तपाईंको मृत्य पनि हुनसक्छ।

 

  • यदी तपाईंले अंगुरलाई माईक्रोवेभमा राख्नुहुन्छ भने यो प्वाट्ट फुट्छ।

 

  • यदी तपाईंले स्याउ पानीमा राख्नुभयो भने यो पानीमा उत्रिन्छ। किनकी स्याउमा २५ प्रतिशत हावा हुन्छ।

 

  • यदी तपाईंमा केही कुराले जलन भईरहेको छ भने केरा खानुस्। यसले जलनलाई कम गर्छ। किनकी केरामा एक खालको प्राकृतिक अम्ल हुन्छ जसले शरिर भित्र पुगेपछी भईरहेको जलनलाई कम गर्छ।

 

  • विश्वभरमा स्याउ करिब सात हजार प्रकारका छन्।

 

  • आँप विश्वभर सबैभन्दा मन पराईने फल हो। आँपलाई फलको राजा पनि भन्ने गरिन्छ,

 

  • स्ट्रेबरी र काजु यस्ता फल हुन, जसको बीउ फलको बाहिर हुन्छ। बाँकी सबै फलफुलको बिउ फलको भित्र हुन्छ।

 

  • पहिले पहिले शोधकर्ताहरू लामो समयको यात्रा तथा खोजमा निस्कँदा तरबुजालाई पानीको बिकल्पको रुपमा प्रयोग गर्दथे।

फलफुल बारेका रोचक तथ्य, सही राख्छ स्वास्थ्य - NepaliVirals

  • तपाईंले याद गर्नुभएको छ केरालाई पानीमा राख्नुभयो भने यो तैरन्छ।

 

  • केरा काँचैमा बोटबाट घरी नै काटेर निकालेपछी पनि कृतिम रूपमा रसायनिक पदार्थको मदतले पकाउन सकिन्छ। तर, अंगुर यसरी पकाउन सकिन्न। त्यसैले अंगुरलाई बोटमा नै पाक्न दिइन्छ।

 

  • जापानमा किसानहरूले तरबुजालाई वर्गाकार रूपमा फलाउँछन् ताकी पछी सजिलोसँग स्टोरमा राख्न सकिओस्।

 

  • भुईंकटहरको फललाई यसको बोटमा नै उल्टो पारेर राखिदिने हो भने छिटो पाक्छ। सिधा भुईंकटहरलाई भने पाक्न अलिक बढी समय लाग्छ।

 

  • गोलभेंडामा मानिसको शरिरमा भन्दा बढी जीन पाईन्छ।

 

  • मानिसको डिएनए DNA को आधा हिस्सा केरासँग मिल्छ।

 

  • कागती सरसफाईका लागी प्रयोग हुने सबैभन्दा पुरानो फल हो। यसमा धेरै मात्रामा एसिड हुने भएकाले यसले भाँडाहरु चम्काउने मात्र होईन, ब्याक्टरिया समेत मार्दछ।

 

  • कफी खाँदा भन्दा स्याउ खाँदा धेरै उर्जा प्राप्त हुन्छ।

 

  • वैज्ञानिकहरूको मत यो पनि छ कि केरा नै पृथ्वीको पहिलो फलफुल हो।

 

  • बन्दागोभीमा पनि में भी तरबुजामा जस्तै धेरै पानी हुन्छ। तरबुजारमा ९२ प्रतिशत पानी हुन्छ भने बन्दागोभी र गाजर मा क्रमश ९० प्रतिशत र ८७ प्रतिशत पानीको मात्रा हुन्छ।

 

  • बदामको तेलबाट नाईट्रोग्लिसरीन पनि तयार गर्न सकिन्च जुन विस्फोटक पदार्थ बारूदको एक मुख्य हिस्सा हो।

 

  • सुकेको फल (ड्राईड फ्रुट)मा ताजा फलमा भन्दा धेरै क्यालोरी हुन्छ। ’cause सुख्खा गरिएको फलमा पानीको मात्रा हटाईएको हुन्छ।

फलफुल बारेका रोचक तथ्य, सही राख्छ स्वास्थ्य - NepaliVirals

  • स्ट्रबेरीमा सुन्तलामा भन्दा पनि धेरै भिटामिन सि पाईन्छ।

 

  • रातो रंगका फलफुलले तपाईं हाम्रो मुटुलाई स्वस्थ राख्नमा मदत गर्दछ।

 

  • अध्ययनहरूले यो पनि पत्ता लगाएका छन् कि हरेक बिहान अंगुर खाने बानी बसाल्ने हो भने यसले तपाईंको मोटोपन साथै तौल घटाउनमा मदत गर्छ। अंगुरले मधुमेह हुनबाट समेत बचाउँछ।

 

  • सुन्तलारँगका फलले आँखा, पहँलो रंगका फलले शरिरको तापक्रम, हरियो रंगका फलले हाड र दातलाई स्वस्थ राख्न मदत गर्छन्। त्यसो त निलो र बैजनी रंगका फलले सम्झना शक्ति बढाउन तथा कायम राख्न मदत गर्छन्।
विभिन्न देशका २५ रोचक तथ्यहरू

विभिन्न देशका २५ रोचक तथ्यहरू

१. जापान, जोर्डन र स्यान मरिनो यी तीन देशहरूका राष्ट्रगानमा केबल ४-४ लाइन छ ।

२. इटाली र फ्रान्सले विश्वका ४० प्रतिशत रक्सी उत्पादन गर्छन् ।

३. मस्कोमा मौसम पूर्वानुमानकर्ताले यदि गलत पूर्वानुमान गरेमा तिनले जरिवाना तिर्नुपर्ने हुनसक्छ ।

४.  रूस क्षेत्रफलका हिसाबले प्लुटो ग्रहभन्दा पनि ठूलो छ ।

५.  रूस विश्वका यस्तो देश हो, जहाँ एक भागमा दिउँसो अर्को भागमा रात वा साँझ हुन्छ ।

६. रूसमा पुरुषका तुलनका महिलाको संख्या ९ लाखभन्दा बढी छ । त्यहाँ छोरा जन्मे सरकारले सानो पुरस्कारसमेत दिन्छ ।

७. एरिजोजनामा ऊँटको शिकार गर्नु अवैधानिक मानिन्छ ।

८. सिंगापुरमा चुइगम राख्नु वा बेच्नु अवैधानिक छ ।

९. फ्लोरिडामा घोडा चोरी गर्नेलाई फाँसीको सजायसमेत हुनसक्छ ।

१०. पेरूमा पिरामिडहरूका संख्या मिश्रमा भन्दा बढी छ ।

११. स्कटल्यान्डमा सबैभन्दा बढी रातो कपाल हुने मानिसहरू हुन्छन् ।

१२. ब्राजिलका माउन्टेन एक्सिस सडकमा १६० वटा कारहरू साइड-बाइ-साइड अर्थात दायाँ-बायाँ एकै साथ गुड्न सक्छन । यो विश्वकै सबैभन्दा चौडाइ भएको सडक हो ।

१३. हरेक दिन विश्वका कुनै न कुनै देशमा कुनै विशेष दिवसका विदा हुन्छ ।

१४. अफगानिस्तान (Afghanistan) विश्वका एकमात्र यस्तो देश हो, जसका नाम ए बाट सुरू हुन्छ तर ए मै अन्त्य भने हुँदैन ।

१५. अल्बानिया यस्तो देश हो, जहाँ यदि तपाइँले टाउको हल्लाएर हो भन्नु भयो भने त्यसका अर्थ होइन र होइन भन्नुभयो भने हो भन्ने हुन्छ ।

१६. इजरायल विश्वका ती ९ देशमध्येको हो, जोसँग आफ्नै स्याटेलाइट प्रणाली छ, तर यसका प्रयोगले इजरायलले ड्रोन चलाउँछ । इजरायलले आफ्नो स्याटेलाइट प्रणााली अरुसँग बाँडेको छैन ।

१७. इजरायल विश्वको एकमात्र यहुदी राष्ट्र हो ।

१८. इजरायल विश्वका एकमात्र यस्तो देश हो, जहाँ महिलाहरूले अनिवार्य रूपमा सैन्य सेवामा काम गर्नुपर्छ ।

१९. इजरायलमा आइतबारका दिन नाक सफा गर्न पाइँदैन,यसो गरिएमा कारबाही पनि हुनसक्छ ।

२०. अष्ट्रेलियामा विश्वका एकमात्र महाद्वीप हो, जहाँ सक्रीय ज्वालामुखी छैनन ।

२१. अष्ट्रेलियामा कंगारुहरूको संख्या त्यसको कुल बसोबासभन्दा दोब्बर छ ।

२२.अष्ट्रेलियामा हरेक वर्ष १ खर्ब ३५ अर्ब रक्सीका बोतल बनाइन्छ ।

२३. अष्ट्रेलियामा झन्डै १५ करोड भेडा पाइन्छ । यदि त्यहाँ एक वर्षमा उत्पादन भएको ऊनबाट स्कार्फ बनाउन सुरु गरियो भने त्यसले पूरै विश्वलाई बेर्न सकिन्छ ।

२४. साउदी अरबले मासुका लागि  अष्ट्रेलियाबाट ऊँट  आयात गर्छ ।

२५. करिब २५ प्रतिशत अष्ट्रेलियनहरू अन्य देशमा जन्मेका हुन् ।

 

‘भ्यालेन्टाइन्स डे’का केही रोचक तथ्यहरू

‘भ्यालेन्टाइन्स डे’का केही रोचक तथ्यहरू

सबैलाइ थाह छ फेब्रुअरी १४ तारिख विश्वभरि नै  प्रणय दिवस अर्थात भ्यालेन्टाइन डेका रूपमा मनाइन्छ । याे प्रेमका दिन हो, आफ्नो माया प्रेम अभिव्यक्त गर्ने दिन हो । युवा मुटुहरू यस दिनका ब्यग्रताका साथ प्रतीक्षा गर्ने गर्छन । हरेक प्रेम गर्ने मानिसका लागि यसका अलग्गै महत्व छ । प्रेमीप्रेमिकालाई मनपर्ने उपहार, फूल, कार्ड आदानप्रदान गर्नुका साथै प्रेमको पहिलो प्रस्ताव राख्ने उपयुक्त अवसरका रुपमा यस दिनलाई लिइन्छ ।

‘भ्यालेन्टाइन डे’का केही रोचक तथ्यहरू

  • भ्यालेन्टाइन डे  विश्वभरि नै मनाइन्छ । नेपालमा कहिलेबाट याे मनाउन थालियो भन्ने आधिकारिक जानकारी छैन । भारतमा भने १९९०का दशकदेखि मनाउन थालिएको पाइन्छ ।
  • भ्यालेन्टाइन डेका दिन नेपालमा २ करोड रूपैयाँबराबरको गुलाबका फूल किनबेच हुन्छ । भ्यालेन्टाइन डेका दिनमात्र २ लाख स्टिक गुलाबका फूल बेचिने गरेको छ ।
  • रोज डेः भ्यालेन्टाइन डेको पहिलो दिन  फेब्रुअरी ७ तारिखबाट सुरु हुन्छ, जसलाई  रोज डे भनिन्छ । रोज डेका दिन प्रेमीप्रेमिकाले एकअर्कालाई गुलाबको फूल दिन्छन् ।
  • प्रपोप डेः रोज डेको भोलिपल्ट अर्थात फेब्रुअरी ८ का दिन प्रपोप डे मनाइन्छ । प्रपोज डेका दिन आफूले मन पराएका वा मन पराइएकीलाई प्रेम प्रस्ताव राखिन्छ ।
  • चकलेट डेः  फेब्रुअरी ९ का दिन चकलेट डे मनाइन्छ । यस दिन आफ्ना प्रेमी वा प्रेमिकालाइ चकलेट दिएर प्रेममा मिठास भरिन्छ ।
  • टेडी डेः फेब्रुअरी १०  का दिन टेडी डे मनाइन्छ । यस दिन प्रेमी वा प्रेमिकालाई विशेष उपहार स्वरुप टेडी बियरका खेलौना उपहार दिइन्छ ।
  • प्रमिस डेः फेब्रुअरी ११  का दिन प्रमिस डे मनाइन्छ । यस दिन आफ्नो प्रेम अन्तिम अवस्थासम्म कायम राख्नेछु भनेर आफ्ना  प्रेमी वा प्रेमिकासँग विशेष वाचाबन्धन गरिन्छ ।
  • हग डेः फेब्रुअरी १२  का दिन हग डे मनाइन्छ । यो भ्यालेन्टाइन डेभन्दा दुई दिनअघि मनाइने यस दिवसका दिन आफ्ना प्रेमीप्रेमिकालाइ अंगालोमा बेरिन्छ ।
  • किस डे- फेब्रुअरी १३  का दिन किस डे मनाइन्छ । यस दिन आफ्नी प्रेमी-प्रेमिकालाई चुम्बन गरेर प्रेम व्यक्त गरिन्छ ।
  • भ्यालेन्टाइन डे- फेब्रुअरी १४ का  यो प्रेमीप्रेमिकाका लागि विशेष सम्झनायोग्य दिनका रूपमा रहोस् भनेर प्रेमका सबै उपायहरू अबलम्बन गरिन्छ ।
  • भ्यालेन्टाइन डे सन्त भ्यालेन्टाइनका नाममा मनाइन्छ ।
  • सन्त भ्यालेन्टाइन ई. पू. २६९ मा शहिद भएका थिए, उनलाई १४ फेब्रुअरी २६९ दिन फ्लोमिनिया मृत्युदण्ड दिइएको थियो ।
  • विश्वको पहिलो भ्यालेन्टाइन कार्ड सन् १५४१ मा पठाइएको थियो ।
  • सन्त भ्यालेन्टाइनकाे अवशेष रोमको सेन्ट फ्रेंक्स्ड चर्च र डबलिन (आयरल्यान्ड)  को स्ट्रीट कामिलेट चर्चमा राखिएको छ ।
  • विशप टर्नीलाई पनि प्रेमका भ्यालेन्टाइन भनिन्छ, उनी ई. पू.  १९७ मा सम्राट अरोलियनका यातनाका कारण शहिद भएका थिए ।
  • क्याथोलिक विश्वकोषमा तेस्रो सन्त भ्यालेन्टाइनका नाम पनि उल्लेख गरिएको छ ।
    • मलेसियाका मुशलमानहरूले भ्यालेन्टाइन डे मनाउँदैनन ।
    • साउदी अरेबियामा भ्यालेन्टाइन डेको दिन छुट्टी बस्न पाइदैँन ।
    • जापानमा केवल पुरुषहरूले मात्र भ्यालेन्टाइन डे मनाउँछन् ।
    • इरान सरकारले सन् २०११ मा भ्यालेन्टाइन डेलाई प्रतिबन्ध गरिदिएको छ ।
    • इन्डोनेशियामा पनि यो दिवस प्रतिबन्ध छ । यहाँ पनि भ्यालेन्टाइन डेका दिन कार्ड आदानप्रदान गर्ने, गुलाफ दिने वा घुम्न जाने काम वर्जित छ ।
    • अमेरिकामा १ खर्ब रूपैयाँभन्दा बढीका भ्यालेन्टाइन कार्डमा खर्च गरिन्छ ।
सपनाका रोचक तथ्यहरू

सपनाका रोचक तथ्यहरू

हरेक मानिसले राति सुतेपछि सपना देख्ने गर्छन्, यहाँसम्म कि आँखा नदेख्ने दृष्टिविहीनले पनि सपना देख्छन् । कतिपय सपना बिहान उठ्दा सम्झिइन्छ भने कतिपय राति नै बिर्सिइन्छ । आउनुस सपनाका ’boutमा केही रोचक तथ्यहरू थाह पाउँ ।

१. तपाईं सपनामा सही समय बताउन सक्नु हुन्न, तपाइ जति पटक सपनामा समय देख्नु हुन्छ, त्यति नै पटक फरक- फरक समय देखिन्छ ।

२. मान्छे घुरिरहेका बेला सपना देख्न सक्दैन ।

३.तपाईंलाई विश्वास नहुन सक्छ, हाम्रो आँखा खुल्नेवित्तिकै हामी सपनाका ५० प्रतिशत कुरा भुलिसकेका हुन्छाैं । त्यतिमात्र होइन, १० मिनेटपछि हामी सपनाका ९० प्रतिशत कुरा भुलिसक्छाैं ।

४. यदि तपाईंलाई आफूले सपना देख्दिन भन्ने लाग्छ भने तपाईं भ्रममा हुनुहुन्छ, किनकी सबै मानिसले सपना देख्छन्, यद्यपि केही मानिसले सपना बिर्सन्छन् ।

५. एक अनुमानअनुसार एक जना औसत मानिसले वर्षमा १४६० वटा सपना देख्ने गर्छ ।

६. दृष्टिविहीनहरूले पनि सपना देख्छन् । जो पछि गएर अन्धोपनका शिकार भएका हुन्छन्, तिनले सपनामा चित्रआकृतिहरू देख्छन्, तर जो मानिस जन्मैदेखि दृष्टिविहीन हुन्छन्, उनका सपनाका आवाज, छोएर बनेका अमूर्त आकारप्रकार, बासना, भावनाहरू मिश्रित हुन्छन् ।

७. सपनामा हामीले केबल ती अनुहारमात्र देख्छाैं, जसलाई पहिला कहिले हामीले देखेका हुन्छाैं । हाम्रो मष्तिस्कले आफै अनुहारका आकृति बनाउँदैन । हामीले वास्तविक जीवनमा चाहे एक झलक टाढाबाट देखेका व्यक्ति होस् वा फिल्म टीभी अथवा फोटोमा देखेका व्यक्तिका अनुहारमात्र देखिन्छ ।

८. हरेक मानिसको सपना रंगिन हुँदैन । प्रायःजसो  मानिसले सादा (श्यामश्वेत) सपना देख्छन् ।

९. अधिकांस सपनामा चिन्ता वा त्यसले उत्पन्न गर्ने विभिन्न खालका प्रतिक्रियाजन्य, जस्तो सर्पले खेदेको, टोकेको, बाघ-भालु वा कुकुरले खेदेको, टोकेको सपना देखिन्छ । सपनामा नकारात्मक भावना, सकारात्मक भन्दा बढी हुन्छन् ।

१०. जनावरहरूले पनि सपना देख्छन् । अध्ययनहरूबाट के देखिएको छ भने जनावरहरूका दिमागले पनि मानिसका दिमागले जस्तै तरंगहरू छाड्छन् ।

११. पुरुष र महिलाका सपनाहरू अगल-अलग किसिमका हुन्छन् । करिब ७० प्रतिशत पुरुषका सपना अन्य पुरुषका ’boutमा हुन्छन् भने महिलाका सपनामा पुरुष  र महिला दुवैका मिश्रण हुन्छ ।

१२. फेड्रिक ओगस्टले बेनजेन (C6H6) जस्ता जटिल रसायनिक फर्मूला  सपनाबाट उत्प्रेरित भएर बनाएका थिए । उनले सपनामा केही सर्पहरू देखेका थिए, जसले आफ्नो पुच्छर खाइरहेका थिए ।

१३. अमेरिकाका १६ औं राष्ट्रपति अब्राहम लिंकनले आफ्नो मृत्यु भन्दा केही समय पहिला आफ्नी श्रीमतीसँग भनेका थिए- “मैले आफ्नो सपनामा केही मानिसहरू रोइ रहेको देखेको थिएँ ।”

१४. हामीले सुतिरहेका बेला ९० मिनेटमा एउटा सपना अवश्य देखेका हुन्छाैं भने हामीले सबैभन्दा लामो सपना बिहानीपख देख्ने गर्छाैं, जुन ३० देखि ४५ मिनेटसम्म लामो हुन्छ ।

१५. यदि सपनामा फोहर पानी देखियो भने सपना देख्ने व्यक्ति अस्वस्थ्य भएको संकेत हुनसक्छ ।

१६. हाम्रा प्राचिन वेदहरूमा लेखिएको छ- यो संसार वास्तवमा एक सपनामात्र हो र वास्तविकता अरु नै केही छ ।

१७. सपनाका चार चरण हुन्छन्  त्यसमध्ये मुख्य चरण हुन्छ रेपिड आइ मुभमेन्ट REM (Rapid eye movement), यस चरणमा हाम्रो आँखाका पुलतीहरू तीव्र गतिले हल्लिन्छन् । निद्रा गहिरिँदै जाँदा हामी स्लिप प्यारालाइजका अनुभव गर्छाैं, यस अवस्थामा हामी जागृत भए पनि हिडडुल गर्न सक्दनाैं ।

१८. सपनाले हामीलाई सिकाइरहेको हुन्छ । सपनाले अन्जानवसनै हाम्रो  बौद्धिक विकासमा महत्वपूर्ण भूमिका खेलिरहेको हुन्छ ।  दिउँसो सिकेका कुरालाई सपनाले बुझ्न सजिलो बनाइदिन्छ ।

१९. करिब पाँचदेखि १० प्रतिशत मानिसहरूले महिनामा एक-दुई पटक अति नै डरलाग्दा सपना देख्छन्, जहाँ तिनले आफूलाई खेदेकाे, मार्न खोजिएको देख्छन् । १० वर्षमुनिका साना बच्चाले यस्तो सपना बढी देख्छन् ।

२०. विश्वका कैयन आविष्कारहरू सपनाबाट प्रेरित भएर भएका छन्, जसमा सिलाइ मेसिन, डीएनए पत्ता लगाउने विधि आदि छन् ।

२१. पाँच वर्षमुनिका बालबालिकाले सपना देख्दैनन ।

२२. करिब ६ हजार वर्ष पहिला मिश्रमा सपनामाथि पहिलो किताब लेखिएको थियो ।

२३. सपना नदेख्ने व्यक्तिहरूमा पर्सनालिटी डिसअर्डर नामक बिमारी हुन्छ ।

२४. कैयन मानिसहरूमा सपनामा हिड्ने बानी हुन्छ, जुन एक मानसिक रोग हो ।

२५. बिहान देखिएको सपना सत्य हुन्छ भन्ने धेरै मानिसमा भ्रम रहेको पाइन्छ, वास्तवमा यसको कुनै तुक छैन ।

२६. हामी आफ्नो जीवनका ६ वर्ष सपना देख्नमा नै व्यतीत गर्छाैं ।

 

 

बच्चा पाएका कति दिनसम्म यौन सम्पर्क गर्न हुँदैन?

बच्चा पाएका कति दिनसम्म यौन सम्पर्क गर्न हुँदैन?

हरेक महिला जीवनमा आमा बनेको अनुभूति गर्न चाहन्छन् । आमा बनेको अनुभव विश्वकै सर्वोत्तम अनुभव मानिन्छ । बच्चा पाइसकेपछि अर्थात प्रसुति भइसकेपछि  महिलाको शरीर पहिला जस्तो हुँदैन । गर्भावती अवस्थामा महिलाहरूको शरीरमा निकै परिवर्तन आउँछ । त्यसैले बच्चा पाएका लगत्तै यौन सम्पर्क राख्ने विषयमा सोचरहनु भएको छ भने कृपया सावधानी अपनाउनु होस् ।

बच्चा जन्माउने क्रम अर्थात प्रसब प्रक्रियामा महिलाहरू शारीरिक र मानसिक दुवै रुपमा थाकेका हुन्छन् । शरीर पनि अति नै संवेदनशील भएको हुन्छ, त्यसैले शारीरिक सम्बन्ध राख्ने विषयमा हतार गर्नुहुँदैन । प्रसवपछि करिब एक महिनासम्म महिलाहरूलाई रक्तस्राब हुन्छ भने ९ महिनासम्म एकतित्र भएर बसेको तरल पदार्थ गर्भाशयबाट बाहिरिइ रहेको हुन्छ ।

बच्चा दुई प्रकारले जन्मन्छन्, नर्मल र अप्रेशन  (सिजेरियन)गरेर । बच्चा नर्मल नै जन्मेको रहेछ भने एक पटक डाक्टरको सल्लाह लिनुहोस् । किनकी यस्तो बेलामा महिलाको योनीद्वार फैलिएको हुन्छ र बच्चा पाइसकेपछि गर्भाशयमा चोट पुगेको हुन्छ । गर्भाशयमा बनेको घाउ पुरिन पनि समय लाग्छ । यदि प्रसवका क्रममा योनीद्वार चिरिएको (Episiotomy) छ भने त्यो सामान्य हुन कम्तिमा ६ हप्ता समय लाग्छ, तर चिरा पारिएको स्थानमा लगाइएको टाँका कारण केही केही महिलाले ६ हप्तापछि पनि यौन सम्पर्क राख्न असहज महसुस गर्छन्  । यस्तो बेलामा यौन सम्पर्क राखेमा संक्रमण हुने खतरा बढी हुन्छ ।

यदि सिजेरियन अप्रेसनबाट बच्चा भएको हो भने यौन सम्पर्क राख्न कम्तिमा पनि ६ हप्ता पर्खनु पर्छ भने डाक्टरको सल्लाह लिएरमात्र यौन सम्पर्क गर्नु उपयुक्त हुन्छ । सिजेरियन गरेर बनेको टाँकाको घाउ नपुरिइन्जेलसम्म यौन सम्पर्क राख्नु हुँदैन ।

प्रसुति जुन ढंगले भए पनि रक्तस्राव नियमित नहुइन्जेलसम्म यौन सम्बन्ध बनाउनु हुँदैन । प्रसबपछि महिलाहरूका स्तनमा पनि समस्या सुरु भएको हुन्छ । पहिला सामान्य अवस्थामा रहेका स्तनका दुग्ध ग्रन्थिहरू सक्रिय हुन्छन् र त्यहाँ दूध उत्पादन सुरु हुन्छ । त्यसपछि महिलाहरूले स्तन टन्केको, दुःखेको महसुस गर्न थाल्छन् ।

नर्मल ढंगले प्रसुति भएको हो भने महिलाले कम्तिमा एक महिना र सिजेरियनमा कम्तिमा तीन महिनासम्म आफूलाई अस्वस्थ्य महसुस गरेका हुन्छन् । त्यसैले यस अवधिमा यौन सम्पर्क राख्नु हुँदैन ।

 

 

पिसाब का ४० रोचक तथ्य

पिसाब का ४० रोचक तथ्य

हाम्रो शरीरले खपत नगर्ने पानी, रगत प्रशोधनपछि निस्कने विकारहरू पिसाब र पसिनाका रूपमा बाहिर निस्कने गर्छ । सामान्यतया एक स्वस्थ व्यक्तिले दिनमा ४ देखि ६ पटकसम्म पिसाब फेर्ने गर्छ । पिसाबले टनटन च्यापेका बेला मानिसले शाैचालय नपाए झाडी, पर्खाल, सवारीसाधनमा छलिएर पनि हलुका भएको देखेकै हाैंला, तर सबैले त्यसरी पिसाब फेर्न सक्दैनन् । यस्तो समस्यालाई साइ ब्लाडर सिन्ड्रोम भनिन्छ ।

पिसाबका का केही तथ्यहरूः

१. हाम्रो मूत्र थैलीले मात्र २.५ कप अर्थात ४०० देखि ६०० मिलिलिटर पिसाब संग्रहित गर्नसक्छ भने हात्तीको मुत्रथैलीमा ५० लिटरसम्म पिसाब जम्मा हुनसक्छ ।

२. एक जना मानिसले दैनिक सात पटकसम्म पिसाब फेर्छ भने करिब ६.३ कप पिसाब फेर्छ । मानिसले कति पिसाब फेर्छ भन्ने कुरा उसले पिउने पानी र तरल पदार्थ तथा अन्य खानपिनमा भर पर्छ ।

३. शरीरबाट पिसाब युरेथ्रा नामक नली हुँदै बाहिर निस्कन्छ । महिलाहरूमा यो नलीको लम्बाई केबल १.२ देखि १.६ इन्च हुन्छ भने पुरुषहरूमा यसको लम्बाई ८ इन्चसम्म हुनसक्छ ।

४. यदि तपाईले सपनामा पिसाब फेरेको देख्नु भयो भने बिछ्याैनामै पिसाब फेर्नसक्ने सम्भावना अत्याधिक हुन्छ ।

५. पिसाबमा करिब ३००० हजार तत्वहरू हुन्छ, तिनमा ९५% पानी, २.५% युरिया र २.५% नुन, हर्मोनहरू तथा केही पोषक तत्वहरूका मिश्रण हुन्छ ।

६.पूरै जीवनभरिमा तपाईको मृगाैलाले करिब १० लाख ग्यालेन (३७ लाख लिटर) पानीलाइ पिसाबमा बदलिदिन्छ, यो सानोतिनो तलाउबराबर नै हो ।

७. यदि तपाई केही गरी मरुभूमिमा हराउनु भयो र पानी पाउनु भएन भने पनि कृपया पिसाब नपिउन होला, किनकी पिसाबमा यति नुन हुन्छ कि यसले तपाइको प्यास बुझाउनका सट्टा तपाइको शरीरबाट उल्टै पानी कम गरिदिन्छ । यही कारण अमेरिकी सेनामा सैनिकहरूलाइ कुनै पनि हालतमा आफ्नो पिसाब नपिउने सल्लाह दिइन्छ ।

८. बिरालोको पिसाब अँध्यारोमा पनि चमिन्छ, किनकी त्यसमा फस्फोरस हुन्छ, जुन अक्सिजनका सम्पर्कमा आउनेवित्तीकै चम्किन थाल्छ ।

९. औषधि बनाउनमा पनि पिसाबका प्रयोग गरिन्छ, उदाहरणका लागि युरोकिनेस औषधि, जसले हर्टअट्याक भएका बेला रगत जम्नबाट रोक्न सहयोग गर्छ ।

१०. एक वयस्क मानिसले एक वर्षमा पिसाब गरेरै यति हाइट्रोजन उत्पन्न गर्छ कि एउटा कर २६८९ किमी कुद्न सक्छ ।

११. एन्टार्कटिकाका हिमतालमा जमेका कुल हिउँका ३ प्रतिशत पेङ्गुइनको पिसाब हो ।

१२. एकै पटक रक्तदान गर्न र पिसाब फेर्न सकिँदैन ।

१३. नासाले यस्तो मेसिन बनाएको छ, जसले अन्तरिक्षयात्रीहरूको पिसाबलाई पिउन योग्य बनाइदिन्छ र त्यो पानी अमेरिकाका धाराबाट बहने पानीभन्दा शुद्ध हुन्छ ।

१४. पिसाबमा ब्याक्टेरिया नहुने कुरा सत्य नै भए पनि त्यो कुरा मानिसको मुत्रथैलीभित्र रहँदामात्र लागू हुन्छ । मुत्रद्वारबाट बाहिर निस्केपछि हावाको सम्पर्कमा आउनेवित्तिकै त्यसमा ब्याक्टेरिया संक्रमण हुन्छ ।

१५. हाम्रो शरीरका भित्री तापमानका कारण हाम्रो पिसाब तातो रहन्छ र जाडो याममा पिसाबबाट बाफ पनि निस्कन्छ ।

१६. एउटा मानिसले सात सेकेन्डभित्र पिसाब फेरिसक्छ ।

१७. बसेर पिसाब फेर्ने पुरुषका तुलनामा उभिएर पिसाब फेर्ने पुरुषको सेक्स टाइमिङ कम हुन्छ, किनकी उभिएर पिसाब फेर्दा त्यसबाट पिसाब थैली पूरा साफ हुन पाउँदैन, जसका असरले प्रोस्टेन्ट ग्रन्थमा असर पार्छ ।

१८. यदि हाँछ्युँ गर्दा,हाँस्दा, व्यायाम गर्दा पिसाब खुस्कन्छ भने त्यसलाई स्ट्रेस युरिनरी इन्सटिटेन्स (Stress urinary incontinence  ) भनिन्छ ।

१९. गर्भावती महिलाहरूलाई छिटछिटो पिसाब आउँछ, किनकी भ्रुण हुर्किँदै जाँदा त्यसले मुत्रथैली साँघुरो बनाइदिन्छ, जसमा कम पिसाब अडछ ।

२०. महिलाहरूले सेक्स गरिसक्नेवित्तिकै पिसाब फेरिहाल्नु पर्छ किनकी योनीमा पहिलादेखि नै रहेका ब्याक्टेरिया सेक्सका क्रममा युरेथ्रा ट्युब हुँदै मुत्रथैलीमा पुगेका हुन्छन, जसका कारण इन्फेक्सन हुनसक्छ ।

२१. करिब २०० वर्षअघिसम्म युराेपियन महिलाहरू उभिएरै पिसाब फेर्थे किनकी उनीहरू लामो कपडा लगाउँथे भने भित्री कट्टु पनि लगाउँदैन थिए ।

२२. क्यानडामा नाउमाथि उभिएर पिसाब गर्ने क्रममा हरेक वर्ष करिब २२५ जना मानिसहरू खुट्टा चिप्लिएर नदीमा खस्ने, डुब्ने गरेका छन् ।

२३. प्राचिन रोममा जासुसीका दस्तावेजहरू लेख्दा पिसाबलाई  अदृष्य मसीका रूपमा प्रयोग गरिन्थ्यो, जसमा गोप्य रुपमा लेखिएका सन्देशहरू तताएपछि मात्र देखिन्थ्यो ।

२४. भालुले शितनिद्रामा भएका बेला पिसाब फेर्दैन, चाहे त्यो शितनिद्रा ६ महिना लामै किन नहोस् । शितनिद्राका क्रममा भालुको शरीरले पिसाबलाई प्रोटिनमा बदलिदिन्छ, जुन भोजनका रूपमा प्रयोग हुन्छ ।

२५. लडाकु  विमानका पाइलटहरूले पिसाब गर्न ब्यागजस्तो चिज हुन्छ, त्यसलाई पिडल प्याक भनिन्छ ।

२६. साँपका शरीरमा पिसाब जम्मा गर्ने थैली हुँदैन, त्यसलै साँपले पिसाब बन्नेवित्तीकै निष्कासन गरिहाल्छ ।

२७. पक्षीहरूका दिसा र पिसाब गर्ने नली एकै हुन्छ, तिनले पिसाब पनि ठोस रूपमा नै निकाल्छन् ।

२८. प्राचिन रोममा मानिसहरू पिसाबले दाँत सफा गर्थे ।

२९. सन् १९३० का दशकमा पेन्सिलिनका यतिधेरै कमी थियो कि त्यसलाई बिमारीको पिसाबबाट पनि निकालिन्थ्यो ।

३०. १९५० का दशकमा महिलाहरू गर्भावती भए, नभएका थाह पाउन महिलाका पिसाब निकालेर इन्जेक्सनबाट भ्यागुताका जिउमा हालिन्थ्यो । इन्जेक्सन हालेको २४ घण्टाभित्र भ्यागुताले अण्डा उत्पादन गर्‍यो भने महिलालाई गर्भावती भएको मानिन्थ्यो ।

३१.  सबैभन्दा लामो समय पिसाब फेरेको विश्व रेकर्ड ५०८ सेकेन्ड अर्थात ८.५ मिनेटको छ ।

३२. साउदी अरबका एक बिमारीबाट सन् १९९९ मा २२ लिटर पिसाब निकालेको विश्व रेकर्ड छ।

३३. सबैभन्दा लामो दूरीसम्म पिसाबको धारो फ्याकेको विश्व रेकर्ड एरिजोनाका जोय वाल्सका नाममा छ, उनले १४ फिट एक इन्चका दूरीसम्म पिसाबको धारो फ्याँकेका थिए ।

३५. साबरको धारामा नुहाउँदा हरेक २ मध्ये एकले (४५ प्रतिशत) र स्विमिङ पुलमा नुहाउँदा हरेक पाँचमध्ये एक जनाले पिसाब फेर्छन ।

३७. आयुर्वेदिक चिकित्सामा पिसाबलाई पनि औषधि मानिन्छ । स्वःमूत्र चिकित्सा आयुर्वेदमा वर्णित छ ।

३८. हिन्दु मान्यताअनुसार गाईको पिसाब (गहुँत/गाैमूत्र)लाई पवित्र मानिन्छ, पूजापाठ तथा शुद्धयाँइहरूमा यो नभई हुँदैन् ।

३९. गाईगोरूका पिसाबमात्र होइन, मानव पिसाबमा समेत पाइने युरियाका कारण यसलाई उत्तम मल मानिन्छ ।

४०. पिसाबले टनटन च्यापेका बेला मानिसले शाैचालय नपाए झाडी, पर्खाल, सवारीसाधनमा छलिएर पनि हलुका भएको देखेकै हाैंला, तर सबैले त्यसरी पिसाब फेर्न सक्दैनन् । यस्तो समस्यालाई साइ ब्लाडर सिन्ड्रोम भनिन्छ ।