हालसालै अपडेट भएका

यहाँ छन् फ्रि किताब

तपाइँ पढाइको किरो हुनुहुन्छ। पढ्दा आनन्द मान्नुहुन्छ। पुस्तकको साथमा रमाउनुहुन्छ। पुस्तकमा राम्रै समय र धन खर्च गरिरहनु भएको छ। त्यसो हो भने यो पोस्ट तपाइँका लागि हो। पढाइका शौखिन र पुस्तकका साथीहरुका लागि पढ्नु पैसा लाग्ने कुरा होइन। मात्र तपाइँमा पढ्ने अभिलाषा, समय र धर्ैय चाहिन्छ। पुस्तकको थुप्रो तपाइँका अगाडि राखिदिने इन्टरनेट छँदैछ। इन्टरनेटमा यस्ता धेरै वेबसाइटहरु छन् जो तपाइँ जस्ता पुस्तक पढ्ने मानिसको खोजिमा छन्। जसले निशुल्क सयौं पुस्तक दर्जनौ विधा र विषयमा उपलब्ध गराइरहेका छन्। जसबाट बिना पैसा नै पुस्तक पढ्न र संग्रह गर्न सकिन्छ। यी पुस्तक कम्प्युटर, ल्यापटप, पाल्मटप, मोबाइल वा ट्याब्लेटमा राखेर पढ्न पनि सकिन्छ। अथवा चाहनुभयो भने प्रिन्ट गरेर राख्न पनि सक्नुहुन्छ।

पुरा पढ्नुहोस् »

यहाँबाट बनाऔं बायोडाटा

भरखर कलेज सकेका देखी जागिर गरिररहेका सबै आफ्ना लागि नयाँ अवसरको खोजि गरिरहेका हुन्छन्। यसक्रममा धेरैले बायोडाटा तयार गर्नका लागि वर्ड प्रोसेसर नै प्रयोग गरिरहेका हुन्छन्। धेरैले बायोडाटा बनाउने उपयुक्त तरिका र शैली अपनाएका हुँदैनन्। जसले गर्दा वर्ड प्रोसेसरमा राखिएका क्रमबद्ध सूचनाहरुले हृयुमन रिसोर्स डिपार्टमेन्टका अधिकारीलाई आकर्षित गर्दैनन्। उनीहरुको कार्यालयमा रहेका रद्धिका टोकरीमा धेरै त्यस्ता बायोडाटाले डेरा जमाएका हुन्छन्। कार्यालयका लागि आवश्यक जनशक्ति खोज्ने सबालमा हृयुमन रिसोर्स डिपार्टमेन्टका अधिकारीलाई त्यस्ता बायोडाटाले आकर्षित गर्छन् जो आकर्षक डिजाइनमा छन् या प्रेजेन्टेसनमा। त्यसैले रोजगारीका खोजिमा हुनुहुन्छ भने आफ्नो बायोडाटाको प्रस्तुती र डिजाइनमा पनि जोड दिनुहोस्। इन्टरनेटमा यस्ता धेरै वेबसाइट छन् जसले आकर्षक बायोडाटा बनाउन मदत गर्छन्।

पुरा पढ्नुहोस् »

सामसुङ एन्ड्रोइड मोबाइल सेक्रेट कोड

एन्ड्रोइड, अपरेटिङ सिस्टम अहिले विश्वभरका अधिकांश मोबाइल उपकरणको हिस्सा बनेको छ। पछिल्लो त्रैमासमा सार्वजनिक भएको रिपोर्ट अनुसार अहिले विश्वका कुल स्मार्टफोन मध्ये ७५ प्रतिशतमा यो अपरेटिङ सिस्टम छ,। त्यसमा पनि मोबाइल उपकरणको अहम् बजार हिस्सा भएको सामसुङ कम्पनीका मोबाइल अधिकांशका हातमा छन्। धेरै नेपालीका हातमा स्थान पाएको सामसुङ मोबाइलका लागि केही उपयोगी सेक्रेट कोड यहाँ प्रस्तुत गरिएको छ।

पुरा पढ्नुहोस् »

यहाँ छन् पुस्तकालयका वेब ठेगाना

पुस्तकालय पुस्तकको संग्रह नभइ सूचनाको केन्द्र हो। जहाँ पाठकहरुको चाहना अनुसारका प्रकाशनको छनौट, संकलन, व्यवस्थापन, संरक्षण र पाठकलाई सूचना सम्प्रेषण गर्नेकाम गरिन्छ। श्रव्यदृश्य साथै इन्टरनेटको विकासका कारण पहिले जस्तो पढ्ने बानी हराउँदै गएको छ नयाँ पुस्तामा। आवश्यक सूचनाका लागि गुगल गर्नु सजिलो भएपनि सही र आवश्यक तथ्य पाउन भने त्यति सजिलो छैन। जसकालागि पुस्तकालय नै सबै भन्दा सजिलो माध्यम हो। जहाँ अनलाइनबाट पनि त्यहाँ भएका पुस्तकहरुको सूचि र जानकारी पाउन सकिन्छ।

पुरा पढ्नुहोस् »

यहाँ छन् दशैंका कार्ड

दशैं, नेपालीहरुको सबै भन्दा ठूलो चाड। त्यसै भएर नै होला सायद यसलाई बडा दशैं भनिन्छ। यो चाड अब जति नै राजनीति गरे पनि र जातियता घुसाए पनि नेपाली पहाडे हिन्दूहरुमा मात्र सिमत छैन र रहने पनि छैन। किनभने यो सम्पूर्ण नेपालीहरुको सांस्कृतिक, सामाजिक पर्व बनिसकेको छ। विदेशिएका दाजुभाई, छोरानाती घर फर्केर अभिभावकको साथमा दश दिन बिताउने पर्व बनेको छ यो। टिका र जमरासँगै पारिवारिक र मित्र मिलनको चाडमा दिइने शुभकामनाले पनि महत्व राख्न थालेको छ। समय सँगै दशैं मनाउने र यसको शुभकामना दिने प्रचलनमा पनि परिवर्तन आएको छ। डायस्पोरा, प्रविधिको विकास र प्रयोगले गर्दा दशैं शुभकामना पनि इन्टरनेटमा हुन थालेको छ। इमेलको माध्यमबाट विद्युतिय शुभकामना कार्ड पठाउने चलनले प्राथमिकता पाउन थालेको छ। हुन पनि शुभकामना दिने साथिभाई नै अनलाइन भइसकेपछि शुभकामना पनि अनलाइन हुने नै भयो। अनलाइन बनेको शुभकामना शैलीलाई साथ दिनका लागि विभिन्न वेबसाइटले दशैंको विद्युतिय शुभकामना कार्ड पनि निशुल्क उपलब्ध गराउन थालेका छन्। साथीभाईलाई शुभकामना पठाउन दशैंको शुभकामना कार्ड खोजिरहनु भएको छ भने यहाँ छन् दशैंका कार्ड।

पुरा पढ्नुहोस् »

ब्याकअप गर्नुस् आफ्नो फेसबुक

फेसबुक, एक अर्ब भन्दा बढि सदस्यका साथ विश्वकै ठूलो सामाजिक सञ्जाल बनेको छ। जसमा आम दैनिकीका सबै पक्षहरु अटाउन थालेका छन्। तपाइँ हाम्रा दैनिकी र मनोभावना पनि फेसबुकको हिस्सा अहम बन्न थालिसकेको छ। हाम्रा विचार देखी महत्वपूर्ण पलहरु तस्विरका रुपमा फेसबुकको र्सभरमा सुरक्षित भएर रहेका छन्। जसले गर्दा आम फेसबुक प्रयोगकर्ताका लागि फेसबुकमा रहेको आफ्नो डाटाको सुरक्षा अहिलेको महत्वपूर्ण र प्रमुख चासोको विषय बनेको छ। त्यसैलाई सम्बोधन गर्दै फेसबुकले हरेक प्रयोगकर्तालाई आफ्नो एकाउन्टमा रहेका सबै जानकारी डाउनलोडको सुविधा दिएको छ। फेसबुक एकाउन्ट नै हृयाक हुने खालका समस्या आम बनिरहेको अवस्थामा फेसबुकले दिएको यो सुविधा प्रयोग गरेरका आफ्नो फेसबुक एकाउन्टको सबै खालका कन्टेन्ट समय समयमा डाउनलोड गरेर ब्याकअप राख्नु बुद्धिमानीको काम हुन्छ। फेसबुक आफैले पनि प्रयोगकर्ताहरुलाई समय समयमा यसरी आफ्नो एकाउन्टमा रहेको डाटा ब्याकअप राख्नको लागि सुझाव दिने गरेको छ। आउनुहोस् जानौं कसरी गर्ने फेसबुक ब्याकअप।

पुरा पढ्नुहोस् »

जानिराखौं यीनका उमेर

यतिखेर आम दैनिकी डिजिटलाइज्ड भइसकेको छ। कम्प्युटर, मोबाइल फोन अनि ट्याब्लेट लगायतका सबै उपकरणले घेरिइसकेको छ मान्छे। बिहान मोबाइलको अलार्म अनि दिनभर कम्प्युटरमा अफिस दैनिकी अनि र्फकंदा ट्याब्लेटमा सामाजिक सञ्जालमा रुमल्लिने नियमिततामा ग्याजेट नै जिवनको महत्वपूर्ण हिस्सा बनेको छ। माउसले क्लिकेर इन्टरनेटमा ब्लगका पेजमा भावना लेख्ने र सामाजिक सञ्जालमा मनको भँडास पोख्नेहरुको संख्या बढिरहेको छ। दूरसञ्चार प्राधिकरणको तथ्यांकले मोबाइल बोक्नेको सँख्याले जनसंख्याको आधा नाघेको देखाइसकेको छ। आउनुहोस् हाम्रा दैनिकीको अधिकांश हिस्सा बोक्ने यीनका उमेर बारे जानौं।

पुरा पढ्नुहोस् »

कम्प्युटरको मोनिटर किन्दा

कम्प्युटर अहिले आधारभूत दैनिकीको आवश्यकता नै भइसकेको छ। स्कुलमा पढ्न देखी लिएर कार्यालय र पसल सम्मको आवश्यकता बनिसक्यो कम्प्युटर। घरमा कुनै समय टिभीलाई आवश्यक विद्युतिय उपकरण मानिन्थ्यो अब त्यो टिभीको स्थान कम्प्युटरले लिइसकेको छ। कम्प्युटरको प्रयोग बढ्दै जाँदा यसको मोनिटर प्रति धेरैको ध्यान र चासो गएको पाइन्छ। किनभने कम्प्युटरमा सबै भन्दा बढि काम गर्दा आँखा जाने भनेको मोनिटरमा हो। जसको प्रकाश र विकिरणले मानिसको देख्ने क्षमतामा असर पार्छ। साथै विद्युतको हिसाबमा पनि बढि खपत हुने हुन्छ। घरको कोठामा राख्नको लागि ठूलो आकारको मोनिटर त्यति उपयुक्त नहोला अनि कार्यालयमा धेरै कम्प्युटरमा काम गर्नुपर्नेका लागि आँखालाई कम हानी गर्ने खालको चाहिएला। कम्प्युटर किन्न जाँदा धेरैले मोनिटर कस्तो किन्नुपर्छ र हुनुपर्छ भन्नेमा त्यति ध्यान दिएको भने पाइँदैन। तर कम्प्युटर किन्दा त्यसको सिपीयुको कन्फिगरेसनमा जस्तै ध्यान मोनिटरमा पनि दिनुपर्छ।

पुरा पढ्नुहोस् »

यहाँबाट राखौं सन्तानको नाम

नाम, मानिसको परिचय मात्र होइन उसको सम्प्रदाय, मुलुक र धर्मको प्रतिनिधित्व गर्न यसले। मानिसलाई चिन्ने माध्यम मात्र होइन एक व्यक्तिबाट अर्कोलाई फरक पार्ने काम पनि नामले नै गर्छ। हाम्रो सभ्यता र संस्कृतीले जन्मेको ११ औं दिनलाई नामाकरणको दिन मानेको छ। जन्मँदाको तिथी, नक्षत्र, घडी पला आदि सबै हेरेर पण्डितबाट नाम जुराइने गरेको छ। पण्डितले जन्मेको ११ औं दिनमा राखिदिएको नाम नै संसारमा चिनिने वा अरुभन्दा फरक साबित गर्ने माध्यम हो। त्यसैले नाम अर्थपूर्ण, अरुसँग नमिल्ने र बोलाउँदा राम्रो सुनिने राख्ने गरिन्छ। आधुनिकीकरण, शहरीकरण र बसाइँसराईका कारण सबैलाई पण्डितको सल्लाह लिने अवसर नमिल्न पनि सक्छ। साथै समय अनुसार जुरेको नाम (राशीको नाम भन्ने प्रचलन छ) समय अनुसार नमिलेको वा सुन्दा राम्रो लाग्ने नहुन पनि सक्छ। त्यस्तो अवस्थामा बोलाउने र औपचारिक नामका रुपमा भिन्दै नाम पनि राख्ने गरिएको पाइन्छ। त्यसका लागि धेरैले शब्दकोष पल्टाउने तथा मानिसहरुसँग सोधेर राखिन्छ। कतिपयले त श्रीमान श्रीमतीको नामका विभिन्न शब्द जोडेर सन्तानको नाम राखेको देख्न सुन्न पाइन्छ। इन्टरनेट र डिजिटल प्रविधिले मानिसलाई धेरै कुराहरु सँगै संस्कृतका अर्थ मात्र होइन नाम पनि जुराइदिने गरेको छ। अहिले इन्टरनेटमा त्यस्ता धेरै वेबसाइट छन् जसले तपाइँलाई आफ्नो सन्तानको नाम राख्न मद्दत गर्छन्।

पुरा पढ्नुहोस् »

Free DNS प्रयोग गरि बढाऔं इन्टरनेटको स्पिड

इन्टरनेट चलाउनेहरुको लागि सनातन समस्या हो त्यसको स्पिड। विदेशको अवस्था जे भएपनि नेपालमा इन्टरनेट चलाउनेले सुस्तो डाउनलोड र अपलोडको हैरानी भोग्नु परिरहेको छ। द्रूत स्पिडका भनेका इन्टरनेट आम पहुँचमा छैन। एक घण्टामै सयौं रुपैंया सक्ने गरि इन्टरनेट चलाउने कुरा पनि भएन। सस्तोमा राम्रै स्पिड भएको भनेको नेपाल टेलिकमको एडीएसएल हो त्यसको स्पिडको कुनै भर छैन। कतिखेर हृवात्तै अपलोड अनि डाउनलोड हुन्छ। कतिखेर इन्टरनेटको लाइन नै। केबल र वाइफाइको अवस्था पनि त्यस्तै नै छ। १० १२ जनालाई सेयर गरेको हुन्छ त्यसैले स्पिडमा इन्टरनेट चलाउने भनेको मध्यरातमा मात्र हो। इन्टरनेटको स्पिड कम भएर हैरान हुनुभएकाहरुका लागि केही उपाय छन् इन्टरनेट स्पिड बढाउनका लागि। ती मध्येको एक हो Free DNS को प्रयोग। विभिन्न प्रख्यात वेब सेवा दिने कम्पनीहरुले Free DNS प्रयोगको सुविधा दिएका छन्, जसको प्रयोगले तपाइँको इन्टरनेटको स्पिडलाई बढाउन सकिन्छ। त्यसका लागि यि Free DNS को प्रयोग गर्नुहोस्।

पुरा पढ्नुहोस् »

यी वेबसाइट हेरेर हाँस्नुस्

दैनिकीमा यस्तो निक्कै कम समय हुन्छ जतिखेर उन्मुक्त भएर हाँस्न सकिन्छ। दैनिकीका कामको व्यस्तता र आधुनिकतासँगै बढेका आवश्यकताले मानिसलाई हमेशा दुखी बनाइरहेको छ। सुख र हाँसो भन्दा पनि दुख हुनुपर्ने कारणहरु बढी भएकाले मानिसको जिवनमा हाँसोको मात्र कम हुँदै गएको छ। लफ्टर थेरापीका रुपमा हाँसोलाई स्वास्थ्यसँग जोड्ने गरिए पनि अवसर भने निक्कै कम छन्। यहाँ यस्ता वेबसाइटका बारेमा उल्लेख गरिएको छ जसले तपाइँलाई हाँस्ने मौका दिन्छन्। तपाइँ थोरै सेन्स अफ हृयुमर भएको व्यक्ति हुनुहुन्छ भने इन्टरनेट र त्यसमा उपलब्ध वेबसाइटहरु तपाइँका लागि हँसाउन तयार छन्। हाँसो, खुसी रहन कसलाई मन पर्दैन र।तर त्यसै हाँसो आउँदैन।तर जतिसुकै रिस उठेको भएपनि त्यसलाई हाँसोमा बदल्नका लागि केही यस्ता वेबसाइट छन् जसले तपाइँको अनुहारमा हाँसोका रंगहरु छरिदिन्छन्।

पुरा पढ्नुहोस् »

यसरी चलाऔं कम्प्युटर

कम्प्युटर दैनिकीको महत्वपूर्ण र अभिन्न अंग बनिसकेको छ। यसको प्रयोगबाट मानिसको जिवनले निक्कै परिवर्तन भोगेको छ। र त्यो क्रम जारी छ। साथै कम्प्युटर चलाउँदा त्यसबाट हुने शारिरीक तथा मानसिक हानी पनि कम छैन। दैनिकीको अभिन्न अंग बनिसकेको कम्प्युटरको प्रयोग गर्दा विशेष गरेर धेरै समय कम्प्युटरमा काम गर्नेहरुले यसबाट हुनसक्ने शारिरीक तथा मानसिक हानी बारे सावधान हुन जरुरी छ। केही सावधानी र उपाय अपनाउने हो भने कम्प्युटर प्रयोग गर्दा शरिर र मष्तिस्कमा पर्नसक्ने हानीबाट बच्न तथा कम गर्न सकिन्छ। त्यसका लागि निम्न उपाय अपनाउनु पर्छ।

पुरा पढ्नुहोस् »

कार्यालयमा यसरी खोलौं फेसबुक

सामाजिक सञ्जाल फेसबुक यति लोकप्रिय भएको छ कि यसको प्रयोगले दैनिक काममा समेत प्रभाव पारेको छ। घर देखी कार्यालय जहाँ गएपनि फेसबुक चलाउने भएपछि कार्यक्षमता पनि घट्दै गएको छ। साथै सूचनाहरु फेसबुक मार्फ लिक हुन थालेका छन्। जसले गर्दा अधिकांश कार्यालयहरुमा फेसबुक नखुल्ने बनाइएको छ। सरकारको सचिवालय सिंहदरबार, सेना, प्रहरीका मुख्यालय देखी मिडिया कार्यालयमा पनि फेसबुक जस्ता सामाजिक सञ्जाल नखुल्ने बनाइएको छ। पत्रिका वा बुलेटिनमा बज्न भन्दा अगाडि नै समाचार फेसबुकका वालमा पुग्न थालेपछि प्रेस स्वतन्त्रता अभ्यास गर्ने आमसञ्चारका माध्यममा नै इन्टरनेट स्वतन्त्रता गुमेको छ। इन्टरनेटमा कार्यालयले लगाएको सेन्सरले फेसबुक चलाउन पाउनु भएको छैन भने तपाइँलाई त्यसखालको इन्टरनेट सेन्सरसिप तोड्न हामी सिकाउँछौं।

पुरा पढ्नुहोस् »

ge.tt बाट गरौं फाइल सेयर

सिनेमा, संगीत, तस्विर तथा अन्य कुनै पनि खालका डकुमेन्ट फाइलहरु अनलाइन मार्फ साथिभाईलाई बाँढ्न चाहनुहुन्छ भने सबै भन्दा सजिलो वेबसाइट हो ge.tt। जसमा विदेशमा अध्ययनका लागि गएका साथीका लागि पारिवारिक भिडियो देखी आफूले हेरेका चलचित्र सजिलै बाँढ्न सकिन्छ। हुन त यस खालको फाइल साझा गर्ने निशुल्क सेवा दिने धेरै साइटहरु धेरै छन्। तर ती सबै भन्दा फरक यसको विशेषता भनेको यसबाट फाइल साझा गर्नका लागि यसमा रजिस्टर हुनु जरुरी छैन। साथै फाइल कत्रो आकारको छ भन्नेले पनि कुनै फरक पार्दैन।

पुरा पढ्नुहोस् »

विद्यार्थीका लागी उपयोगी ९ वेबसाइट

इन्टरनेट, सूचनाको द्रूत राजमार्ग मात्र होइन हाम्रो ज्ञानको महत्वपूर्ण माध्यम हो यो। संसार यसले समेटेको छ अनि विश्व नै यसमा समेटिएको छ। अहिले त हरेक कुरा इन्टरनेटमा छ, कोर्सका कुरा अनि होमवर्कका कुरा सबै खोजे पाइहालिन्छ। इन्टरनेटका बारेमा धेरैले भन्ने कुरा हुन् यी। तर इन्टरनेट जोडेका कम्प्युटर चलाउन बसेका धेरैलाई पर्ने समस्या चाहिँ यो हो कि ती ज्ञान र सूचनामा आफूलाइ चाहिने कुरा पाउन कहाँबाट सुरु गर्ने। अनि ति सामग्रीको विश्वसनियता के होला सबैको मनमा उठ्ने जिज्ञासा हो यो। तर अध्ययनका लागि खाली गुगलीनु मात्र पर्याप्त छैन। गुगल खोजीले व्यापक नतिजा देखाउँछ जुन शब्दको मेल खाएका पेजहरुको लामो सूचि मात्र हो। क्याम्पस तथा विश्वविद्यालयको जिवनमा इन्टरनेट अध्ययनका क्रममा समय र अर्थ दुवैको बचतको माध्यम हो। जागिर गर्दै अध्ययन गरिरहेका हरुको लागि पुस्तक किन्ने खर्च देखी कम समयमा अध्ययन सक्नुपर्ने दबाबलाई सामना गर्ने हतियार पनि हो इन्टरनेटमा उपलब्ध पेजहरु। आउनुहोस् त्यस्ता नौ पेज के के हुन् हेरौं।

पुरा पढ्नुहोस् »

यहाँबाट राखौं फेसबुकमा कभर फोटो

फेसबुक चलाउने नेपालीको सँख्या १६ लाख ८० हजार भन्दा माथि पुगिसकेको छ। यो सँख्या बढ्ने क्रममा छ। फेसबुक चलाउने नेपालीको सँख्यामा बढोत्तरीसँगै फेसबुकमा नेपालीहरुले पनि एप्लिकेसन बनाउन थालेका छन्। त्यसो त नेपाली उत्पादन तथा सेवा प्रदायक कम्पनीहरुको विज्ञापन पनि फेसबुकका पेजमा देखिन थालेका छन्। फेसबुकमा आफ्नो पेज लाइक हुनुलाई गौरब र सम्मानको रुपमा हेर्न थालिएको छ। हरेक प्रयोगकर्ता फेसबुकमा आफ्नो पेज आकर्ष होस् भन्ने चाहन्छन्। आफ्नो स्टाटसमा आउने कमेन्टको लर्को नै स्टाटस सिम्बोलका रुपमा लिन थालेको अवस्थामा फेसबुकको टाइलाईनलाई आकर्षक बनाउन राम्रो तस्विर खोजेर कभर फोटो राख्नेहरु धेरै छन्। फेसबुकमा उपस्थितीलाई आकर्षक र अरुको भन्दा फरक देखाउनु आवश्यकता महसुस गर्ने फेसबुक प्रयोगकर्ताका लागि टाइमलाइनमा राख्ने कभर फोटोको संग्रह पनि तयार भएको छ। जसमा समसामयिक विचार तथा पर्वलाई समेटेर टाइमलाइन फोटोहरु तयार पारिएका छन्।

पुरा पढ्नुहोस् »

डबल क्लिक गर्दा ड्राइभ खुल्दैन? यो तरिका अपनाउनुस्

कम्प्युटर डेक्सटप तथा ल्यापटप दुवैमा डबल क्लिक गर्दा ड्राइभ (C, D or E) खुल्दैन? ओपनवीथ (Open With) भनेर विभिन्न सफ्टवेयरको अप्सन दिन्छ। यस्तो खालको समस्या धेरै जसो विन्डोज एक्सपी (Windos XP) चलाउनेले भोगिरहेको समस्या हो। वास्तवमा यस्तो हुनुको कारण कम्प्युटरमा भाइरस छिरेर हो। जसले कम्प्युटरका सबै ड्राइभमा अटोरनडटआइएनएफ (autorun.inf) नामको हिडन फाइल बनाइ दिएको हुन्छ। जसले गर्दा कम्प्युटरको सी, डी वा इ कुनै पनि ड्राइभ डबल क्लिक गर्दा खुल्दैन। बरु त्यसको सट्टामा ती ड्राइभलाई खोल्न तथा हेर्नका लागि विभिन्न सफ्टवेयर (कम्प्युटरमा स्थापित, ईन्स्टल भएका) छनौट गर्नका लागि दिन्छ। यदी कम्प्युटरमा यस्तो समस्या भोग्नु भएको छ भने यसो गर्नुस:

पुरा पढ्नुहोस् »

यी कुरा सिकौं कम्प्युटरबाट

हाम्रो जिवनको अहम हिस्सा बनिसकेको छ कम्पयुटर। वास्तवमा यो एउटा मेसिन मात्र हो हुन चाहिँ। यसको माध्यमबाट हामीले धेरै कामहरु ग्रिरहेका हुन्छौं। अध्ययन र सिक्ने मामलामा पनि कम्प्युटर हाम्रो भरपर्दो मित्र नै हो। तर पनि यसबाट सिक्नुपर्ने कुराहरु पनि धेरै छन् जसले हामीलाई हाम्रो कम्प्युटर जस्तै चुस्त तन्दुरुस्त राख्छ। याद गर्नुस् कम्प्युटर चलाउँदा त्यसको द्रूत गति र लामो समय सम्मको ब्याट्री प्रयोगका लागि अपनाइने प्रक्रियाहरु। तीनै प्रक्रिया मानिसको जिवनमा पनि आवश्यक छ यदी द्रूत, चुस्त र तन्दुरुस्त हुने हो भने। जसबाट आर्थिक तथा मानसिक धेरै खालका लाभ पनि छन्। जुन कम्प्युटरबाट सिक्नु आवश्यक छ।

पुरा पढ्नुहोस् »

डाउनलोड लण्डन ओलम्पिक एप्स

विश्वभरका खेलप्रेमीको ध्यान यतिखेर लण्डनमा भएको बेला तपाइँ पनि आफ्नो फोनबाट लण्डन ओलम्पिकसँग जोडिन सक्नुहुन्छ। त्यसका लागि आफ्नो स्मार्ट फोनमा डाउनलोड गर्नुहोस् ओलम्पिकको अफिसियल एप्स ज्वाइन इन। एन्ड्रोइड, ब्ल्याकबेरी र आइफोनका लागि तयार पारिएको एप्स ज्वाइन इनमा हरेक देश, खेल, खेलाडी र समय तालिकाका बारेमा जानकारी राखिएको छ।

पुरा पढ्नुहोस् »

यसरी गर्ने हो टच स्क्रिनको सफाइ

टच स्क्रिनमोबाइल अथवा ट्याबको प्रयोग गर्नुहुन्छ भने स्क्रिनको सफाइमा विशेष ध्यान दिनुहोला। नत्र भने स्क्रिनमा छोएर त्यसका कामहरु ठीकसँग लिन सकिन्न।

पुरा पढ्नुहोस् »

यसरी बढ्छ ब्याकअप

कम्प्युटर बिना काम नै नचल्ने अवस्थामा आफ्नो ल्यापटपको ब्याकअपलाई केही लामो समय सम्म बढाउनु छ भने केही कुरामा ध्यान दिनुपर्छ।

पुरा पढ्नुहोस् »

यसो गरौं पानी परे

मोबाइल, कम्प्युटर, ट्याब्लेट, आइप्याड जस्ता धेरै उपकरणबाट हाम्रो दैनिकी घेरिएको छ। पेय पदार्थ तथा पानी कम्प्युटर तथा ल्यापटपको किबोर्डमा परिहाल्यो भने चाहिँ यस खालका सावधानी अपनाउनु उत्तम हुन्छ।

पुरा पढ्नुहोस् »
Loading...