भगवानको पालामा मोबाइल भएको भए …

भगवानको पालामा मोबाइल भएको भए …

भगवान शिवको अनुहार, स्टाइल अनि पहिरन कस्तो थियो होला? सायद शिवजीको वर्णन गरेर पूराण रचना गर्नेले पनि देखेको थिएनन् न त हामीले घरको पुजाकोठा तथा मन्दिर अनि भित्तेपात्रो देखी माला र कपडामा टाँगे छापेका तस्वीरको सृजना गर्नेले नै देखेका थिए। वास्तवमा हामीलाई भगवानको रूप सदृश्य देखाउनका लागी कलाकारहरूले भगवानको मूर्ति तथा तस्वीरको रचना गरेका हुन् सायद उनिहरूको कल्पनाशिलताले हाम्रो विश्वास जित्यो र हामीलाई उनीहरूले दिएको शिव, राम, सरस्वती सबै देवी देवताको तस्वीरमा साँच्चै शिव, राम अनि सरस्वतीको बासको अनुभूती भयो।

वास्तवमा भगवान कसैले देखेको छैन। न त उनीहरूको स्वभाव र आचरणको नै अनुभव कसैले गरेको छ। तर पुराणहरूमा वर्णन गरिएका शैली, व्यक्तित्व र पहिरन व्यवहारलाई आधार मानेर कलाकारले आफ्नो कल्पनाशक्तीको माध्यमले भगवानलाई साक्षात रूप दिए। त्यही रूपमा हाम्रो आँखाले राम, शिव, सरस्वतीलाई साक्षातकार गरयो अनि हामीले पायौं घरको पुजा कोठा देखी अस्पतालको शल्लीक्रिया कक्ष सम्म भगवानको आराधना र दर्शन गर्ने अवसर।

कलाकारको कल्पनाशिलता समयसँगै परिवर्तन हुन्छ। अनि उसले भोगेको समाज अनुसार उसको प्रस्तुती पनि हुन्छ। त्यसैले त यतिखेर हनुमान अनि कृष्णजी टेलिभिजनका पर्दामा बाल हनुमान र कृष्ण बनेर बालबालिकालाई उही रामायण र महाभारतका कथा र पात्रको बयान गरिरहेका छन् एनिमेसन चलचित्र मार्फत। यो पनि कलाकारको कल्पना र सृजनाको नै उपज हो। समयसँगै भगवानमा आस्था राख्ने, व्यक्त गर्ने शैलीमा आएको परिवर्तन हो यो।

समकालिन समय र प्रवृती शैली अनुसार कलाकारको कल्पना र त्यसले पाउने रूपमा फरक आउँछ नै। यतिखेर मोबाईलको जमाना छ, स्मार्टफोन र सेल्फिले बजार पीटेको छ। सामाजिक संजालमा सेल्फी पोस्टने र त्यसैमा साता दिन सम्म आउने लाईक र कमेन्ट हेरेर मख्ख पर्नेको बहुमत छ। कल्पना गर्नुस यदी यस्तै स्मार्टफोन र सेल्फी क्रेज भगवानको पालामा भएको भए तपाईं हाम्रा पुजाकोठा, घरका भित्तामा झूण्डीएका भगवानका फोटामा उनीहरूको भावभंगी कस्तो हुन्थो होला?

 

साँच्चै नै भगवानको पालामा मोबाइल भएको र आजको हाम्रो पालाको जस्तो क्रेज भएको भए ! कल्पना गर्नुस् त!

हातहातमा मोबाइल बोकेका ३३ करोड देवतालाई मोबाइल सेवा दिने भनेका नारद मुनि नै हुन्थे होलान्। सूचना आदान प्रदानको एउटा मात्रै माध्यम बनेका नारद मूनि पनि अहिले योगको मार्केटिंग गरेर अथाह सम्पत्ती जोडेका बाबारामदेव जस्तै कर्पोरेट मूनि हुन्थे कि ?

भगवानहरू नारद मूनिको नारायण नारायणको गीति शैलीलाई मोबाइलको रिंगटोन राख्थेहोलान्। शिवजी किराँत रूप धारण गरेर जंगल जंगल चहार्दा पार्वतीले फोन गरेर कम्ता प्रश्न सोद्धी होलिन?

सरस्वतीले बुढा ब्रम्हाजीसँग खिचेको सेल्फीमा धनकी देवी लक्ष्मीले ‘लोल’ कमेन्ट लेख्दिहुन्। शेषनागहरूलाई भगवान विष्णुको मोबाईल पानिबाट जोगाउन नि कम्ता सास्ती हुँन्थेन होला। उता कृष्णजीको लिला एमएमएस बनेर तिनै लोकमा ब्याण्डवीथ खाइरहेको हुन्थ्यो होला! अनि राधा र कृष्णको सेल्फीले लाईकको रेकर्ड राख्थ्यो।

महादेवले कालकुट विष पिएको फोटो र भिडियोको भ्यूज, सेयर र रिट्वीटको तथ्यांक राख्न नै अर्को कम्प्युटर प्रणाली विकास हुन्थ्यो होला।

 

यस्तै कल्पना गरेर भारत पूणेकी २४ वर्षिय अद्रिता दासले प्रचलनमा रहेका भगवानका तस्वीरहरूमा फोटोसफको माध्यमले स्मार्टफोन, सोसल नेटवर्क र सेल्फीको क्रेज घुसाएकी छिन्। यसलाई भगवानको निन्दा भन्दा पनि यतिखेरको क्रेज र शैलीमा भगवानलाई प्रस्तुत गरेको रूपमा लिएर हेर्नु उपयुक्त होला। उनले तयार पारेका तस्वीर यस्ता छन्:

महाभारतको युद्ध सुरू हुनु अधि कृष्ण अर्जुनको सेल्फी

महाभारतको युद्ध सुरू हुनु अधि कृष्ण अर्जुनको सेल्फी

राधा कृष्ण र सेल्फी

राधा कृष्ण र सेल्फी

महाकाली र सेल्फी

महाकाली र सेल्फी

राम सिताको बनबासकालको सेल्फी

राम सिताको बनबासकालको सेल्फी

भगवानको पालामा मोबाइल भएको भए … १

भगवानको पालामा मोबाइल भएको भए … २

भगवानको पालामा मोबाइल भएको भए … ३

भगवानको पालामा मोबाइल भएको भए … ४

हनुमानको छातीमा इन्स्टाग्राम

हनुमानको छातीमा इन्स्टाग्राम

आयो विश्वकै सस्तो स्मार्टफोन, अपत्यारिलो फिचर

आयो विश्वकै सस्तो स्मार्टफोन, अपत्यारिलो फिचर

बिश्वकै सबै भन्दा सस्तो स्मार्टफोन कुन होला ? अनुमान गर्नुहोस त कतिपर्ला विश्वकै सबैभन्दा सस्तो स्मार्ट फोनको मूल्य ? तपाईको अनुमान सायदै मिल्ला ।  smart

फोन कम्पनीहरु बीच फोनको फिचर, मूल्य र गुणस्तरीयतामा यति धेरै प्रतिस्पर्धा चलिरहेको छ कि जुन हामीले सोच्ने सकेका छैन । हो यही कुरालाई पुष्टि गरेको छ हालै सार्वजनिक भएको एउटा स्मार्टफोनले । गत बर्ष मात्रै स्थापना भएको भारतीय कम्पनी रिंगिंङ् वेल्सले केही दिन अघि मात्र एउटा स्मार्ट फोन बजारमा उतारेको छ  ।

जुन अहिले बिश्वबजारका लागि हट केक बनिरहेको छ । फोन बजारमा यसले एक खाले तरंग नै पैदा गरेको छ । बेल फ्रिडम २५१ नाम दिइएको यो फोनको मूल्य जम्मा जम्मी २५१ भारतीय रुपैया पर्छ । अर्थात ४०१ नेपाली रुपैया पर्छ ।

अपत्यारिलो फिचर 

सस्तो फोनको फिचर के राम्रो होला र भन्ने धेरैलाई लाग्न सक्छ । तर होइन यो फोनको फिचर पनि मूल्य जस्तै अपत्यारिलो नै छ ।

कस्तो छ त फिचर ?

थ्रीजी सुबिधा 

ड्यूल सिम सपोर्ट

अपरेटिङ सिष्टम – एनड्रोईड ५.१ ललिपप ओएस

स्क्रिन – ४ ईन्च डब्लूवीजीए आईपीएस डिस्पले स्क्रीन

प्रोसेसर – १.३ गीगाहर्ज  क्वॉडकोर

र्याम् – १ जीबी 

इन्टरनल मेमोरी-  ८ जीबी, एक्स्पांड ३२ जीबी 

क्यामेरा –  ३.२ एमपी रीयर, ०.३ फ्रन्ट 

ब्याट्री- १४५० एमएएच

कनेक्ट- वाईफाई, ब्लुटुथ, एफएम

पाँच तरिका स्मार्टफोन सुरक्षित राख्ने

पाँच तरिका स्मार्टफोन सुरक्षित राख्ने

स्मार्टफोन, आम मानिसको आवश्यकताको साधन बनिसकेको छ। यतिखेर नेपालमा मात्र २० लाख भन्दा माथि स्मार्टफोन प्रयोगकर्ता रहेको अनुमान गरिएको छ। यद्यपी यो संख्या नै वास्तविकता नहुन पनि सक्छ। स्मार्टफोनको प्रयोगबाट आम दैनिकी पनि स्मार्ट बनेको छ। घर र कार्यालय बीचको दूरी मेटाइदिएको छ स्मार्टफोनले। स्मार्टफोनको प्रयोग गरेर धेरैले कार्यालय र व्यवसायिक कामहरु पनि गर्ने गर्दछन्। जसका कारण स्मार्टफोनको सुरक्षामा ध्यान दिनु पनि आवश्यक भइसकेको छ। तपाइँका गोप्य सूचना र जानकारीहरु स्मार्टफोन हराउँदा वा कार्याल, घरमा छोडेको अवस्थामा अरुको पहुँचमा नपुगोस् भन्नका लागि स्मार्टफोनलाई सुरक्षित राख्न यस्ता पाँच तरिका छन् जो निशुल्क र सजिलै अपनाउन सकिन्छ।

पासकोड प्रयोग01 Make safe your private data and smart phoneतपाइँको स्मार्टफोन एण्ड्रोइड वा आइफोन जे भएपनि त्यसमा तपाइँले फोन लक कोड राख्न सक्नुहुन्छ। त्यसो त स्क्रिन लकको सुविधा पनि फोनमा नै हुन्छ। तपाइँले एपस्टोरमा स्क्रिन र फोन लक गर्ने एप पनि सजिलै र सित्तैमा पाउनुहुन्छ। यसको प्रयोग गर्नुभयो भने हतपत तपाइँको फोन हातमा पार्नेले फोन खोलेर तपाइँको सूचना, सर्म्पर्क तथा तथ्यांकहरु हात पार्न वा तीनको गोप्यतामा खेल्न पाउँदैन।

गुगल एकाउन्ट तथा आइक्लाउड सुरक्षित राख्ने 02 Make safe your private data and smart phoneस्क्रिन तथा फोन लक वा पासकोडको माध्यमबाट फोनलाई सुरक्षित गरेपछि तपाइँले आफ्नो फोन सजिलै खोल्न नसकिने त बनाउनु भयो तर दोस्रो सुरक्षाको चरणका रुपमा तपाइँले आफ्नो गुगल तथा आइक्लाउड एकाउन्टलाई पनि सुरक्षित पार्नुपर्छ। त्यसका लागि आफ्नो गुगल एकाउन्टको सेटिङमा गएर टु स्टेप भेरिफिकेसन अप्सनलाई सुचारु गर्नुपर्छ। यसो गर्दा तपाइँको फोनमा इमेल खोल्दा एउटा विशेष कोड राख्नुपर्छ जुन तत्काल जेनेरेट भएर तपाइँको फोनमा आउँछ।

जेलब्रेक र रुट नगर्ने03 Make safe your private data and smart phoneजेलब्रेक वा रुट एउटा तरिका हो जसबाट तपाइँले आफ्नो फोनलाई आफ्नो तरिकाले र नियन्त्रणमा राखेर चलाउन सक्नुहुन्छ। यसलाई तपाइँ मोटरसाइकल मोडिफाइ गरेर चलाउनुसँग पनि दाँज्न सक्नुहुन्छ। तपाइँले यसो गरेको खण्डमा तपाइँको मोबाइलको ग्यारेन्टी तथा वारेन्टी त जान्छ नै तपाइँ यदि सामान्य प्रयोगकर्ता मात्र हो भने तपाइँको फोन नै काम नलाग्ने अवस्थामा समेत पुग्न सक्छ।

एप राख्दा सावधान 04 Make safe your private data and smart phoneस्मार्टफोनका लागि तयार एप स्टोरहरुमा खरिद गर्नुपर्ने मात्र नभएर सित्तैमा उपलब्ध एपहरु भकारी भरी भइसकेका छन्। त्यसो त विभिन्न वेबसाइटहरुले पनि आफ्ना एपहरु वेबसाइटमा डाउनलोडका लागि उपलब्ध गराएका छन्। इन्टरनेटको एउटा महत्वपूर्ण पक्ष नै एप डाउनलोड र अपडेट हुन थालेको छ। तर तपाइँले जहाँसुकैबाट पनि एप डाउनलोड गर्नुभयो र फोनमा राख्नुभयो भने त्यो तपाइँको लागि खतराको घण्टी बन्दछ। त्यसैले फोनमा आधिकारिक एपस्टोरबाट मात्र एप डाउनलोड गर्नु पर्छ। यदी तपाइँ एण्ड्रोइड फोन लिनुहुन्छ भने गुगल प्ले, एप्पलका फोन लिनुहुन्छ भने आइट्यून र वीण्डोज फोन लिनुहुन्छ भने वीण्डोज स्टोरबाट मात्र एपहरु डाउनलोड गर्नुहोस्।

सकेसम्म एप प्रयोग05 Make safe your private data and smart phoneतपाइँको फोनमा ३२ वा ६४ जीबी सम्मको मेमोरी क्षमता छ भने यसको मतलब यो होइन कि त्यसमा मन लागेसम्मका फोटो र गीत राखौं। तपाइँलाई स्मार्टफोनमा विभिन्न एपहरु राख्ने सुविधा छ साथै तपाइँलाई सेवा दिने प्रदायकहरुले पनि मोबाइल एपहरु विकास गरेर निशुल्क प्रदान गरिरहेका छन्। त्यसैले सकेसम्म आफ्नो कामका लागि इन्टरनेट ब्राउजर भन्दा एप नै प्रयोग गर्नु राम्रो। विशेष गरेर बैंक वा सेयर मार्केटको कामका लागि त ब्राउजर भन्दा एप नै सुरक्षित हुन्छ। एपबाट काम गर्दा तपाइँको कारोबार साथै मोबाइल पनि सुरक्षित हुन्छ।

पाँच तरिका स्मार्टफोन सुरक्षित राख्ने

पटक पटक हृयाङ हुन्छ मोबाइल?

मोबाइल बोक्नेहरुका लागि पटक पटक मोबाइल हृयाङ हुनु हैरानीको कुरा हो। यसखालको समस्या तपाइँले पनि भोगिरहनु भएको होला। विभिन्न एप्लिकेसनहरु चलाइरहेको समयमा मोबाइल अचानक हृयाङ हुन्छ। अनि यसखालको हृयाङ हुने क्रम पटक पटक दोहोरिन्छ। यसले तपाइँलाई हैरान गराउँछ। मोबाइलमा इन्टरनेट चलाउँदा अनि फोन गरिरहेको समयमा पनि मोबाइल हृयाङ भएर हैरान गराउँछ।

स्मार्टफोनमा यसखालको हैरानीको कारण हो मोबाइलको आन्तरिक मेमोरी र रयाम कम हुनु। जसले गर्दा ठूला आकारका धेरै ग्राफिक भएका एप्लिकेसनहरु चलाउँदा मोबाइल हृयाङ हुन्छ। यदी तपाइँको मोबाइल समय समयमा हृयाङ हुन थालेको छ भने जान्नुहोस् त्यसको मेमोरी र रयाम तपाइँको आवश्यकता भन्दा धेरै कम छ।

Colors Xfactor-quad quoreमेमोरी र रयाम मात्र नभएर मोबाइल फोनको हार्डवेयर राम्रो नभएको खण्डमा पनि चलाउन थालेको केही समय पछि नै मोबाइल हृयाङ हुने समस्या देखा पर्छ। विशेष गरेर सस्तो मूल्यमा पाइने भारतीय तथा नेपाली ब्राण्डमा बजारमा उपलब्ध हुने मोबाइल फोनहरुमा बढि हृयाङ हुने समस्या देखिन थालेको छ। त्यसको कारण हो मोबाइलमा प्रयोग भएका हार्डवेयरको गुणस्तर कमसल हुनु। यसखालका समस्याबाट जोगिनका लागि मोबाइल किन्ने समयमा त्यसमा रहेका सफ्टवेयर, सुविधा र विशेष गरेर अपरेटिङ सिस्टम हेरेर मोबाइल किन्ने निर्णय नगर्नु नै उत्तम हो। (यहाँ हेर्नुस मोबाइल किन्दा केमा ध्यान दिने)

यदी तपाइँले किनेको र चलाइरहेको मोबाइल समय समयमा हृयाङ हुन्छ भने तपाइँले यी उपाय अपनाएर राहत पाउन सक्नुहुन्छ।

  • पृष्ठभूमि (ब्याकग्राउण्ड)मा चलरिहेका र चल्ने खालका एपहरुलाई बन्द गर्ने। यसो गरेको खण्डमा फोनमा रहेको रयामको खपत केही कम हुन्छ र नयाँ खोल्ने एपका लागि केही स्थान उपलब्ध हुन्छ।
  • यदी तपाइँको फोनमा पृष्ठभूमिमा चलिरहेका एप बन्द गर्दा पनि फोन हृयाङ हुनबाट मुक्ति मिलेन भने फोनलाई स्वीच अफ गर्नुस्। यसो गर्दा मोबाइल बन्द भएपनि फोनमा रहेका डाटा सुरक्षित नै रहन्छन्।
  • मोबाइल स्वीच अफ गरेपछि फोनको पछाडीको भाग (ब्याक प्यानल) खोलेर ब्याट्री झिक्नुहोस्। तर सीम र मेमोरीकार्ड भने झिक्नुपर्दैन।
  • ब्याट्री झिकीसकेपछि पनि मोबाइलको पावर स्वीच ५ देखी १० सेकेण्ड सम्मका लागि अन अफ गर्नुस्। यसो गर्दा मोबाइलमा रहेको पावर पनि समाप्त हुन्छ।
  • यसो गरिसकेपछि मोबाइलमा फेरी ब्याट्री राखेर मोबाइल अन गर्नुस्। मोबाइल फेरी चलाउन सकिने अवस्थामा आइपुग्छ। यसरी अन गरेपछि फोन फेरी हृयाङ हुँदैन।

02 Cheapest Android Smart Phones Costs less than 7000 Karbon A 1यति गरेपछि पनि मोबाइल फेरी पटक पटक हृयाङ भइरहृयो र समस्या समाधान भएन भने मोबाइलको आन्तरिक मेमोरी केही खाली गर्नुपर्छ। आन्तरिक मेमोरी भरिएको खण्डमा पनि मोबाइल हृयाङ हुने भएकाले त्यसमा रहेका केही फाइल हटाउनुपर्छ। साथै फोन चलाउँदा उत्पन्न हुने क्याच फाइल र टेम्पोररी फाइल पनि समय समयमा डिलिट (क्लिन मेमोरी) गरिरहनुपर्छ।

याद राख्नुस मोबाइलको आन्तरिक मेमोरी ८० प्रतिशत भन्दा बढी प्रयोग गर्नु हुँदैन।

पाँच तरिका स्मार्टफोन सुरक्षित राख्ने

यसमा ध्यान दिऔं सस्ता स्मार्टफोन किन्दा

स्मार्टफोन, हरेक युवाको गोजीको आवश्यकता बनिसकेको यो मोबाइल फोनको पछिल्लो पुस्ता हो। यसमा दूरसञ्चार साथै कम्प्युटरको सुविधा पनि उपलब्ध हुन थालेपछि यो आम आवश्यकताको साधन बनेको छ। जसबाट फोन, इमेल गर्न सकियोस् अनि क्यामेरा र गीतसंगीतको आनन्द लिन सकियोस्। गुगलको मोबाइल अपरेटिङ सिस्टम एण्ड्रोइडको विकास पछि त चिन र भारत जस्ता ठूला र सस्ता बजारका लागि बन्न थालेका फोनहरुले नेपालीलाई पनि सस्तो मूल्यमा नै स्मार्टफोन गोजीमा राख्न सक्ने बनाएको छ।

01 ZTE Grand X Quad Lite  Chinese Cheap Smart Phones Chinese Smart Phones

असोज र कात्तिकलाई नेपालको प्रमुख खरिदको महिना भनिन्छ। त्यसले गर्दा यो समयमा हरेक साता नयाँ नयाँ स्मार्टफोन सार्वजनिक भइरहेका छन्। मूल्यमा सस्तो सुविधा पनि प्रसस्तै दाबी गरिएका स्मार्टफोनहरुको उपलब्धता भएको छ यतिखेर बजारमा। तपाइँ पनि दशैंको मौकामा छुट पाउने आशामा सस्तो मूल्यका स्मार्टफोन किन्ने विचार गर्नुभएको छ भने यस्ता कुरामा ध्यान दिनुस् ताकी सस्तो फोन लिने चक्करमा हैरानीका साथ पैसा गुमाउनु नपरोस्।

ब्याट्री ब्याकअप

स्मार्टफोन किन्ने समयमा सबैभन्दा चासो दिएर सोध्नुपर्ने र बुझ्नुपर्ने भनेको ब्याट्रीको ब्याकअप हो। फोन चल्ने नै ब्याट्रीको ब्याकअपमा भएकाले आफूले किन्न लागेको फोन एक पटक चार्ज गरेपछि कति समयसम्म चल्छ त्यसमा ध्यान दिनुस्। सस्तो मूल्यमा पनि लामै समय सम्म ब्याट्री ब्याकअप दिने फोन किन्न सकिन्छ। सस्तो फोन लिने चक्करमा ब्याट्रीमा सम्झौता नगर्नुस। सस्ता मोबाइलमा ब्याट्रीको क्षमता र टक टाइम पनि कम हुन्छ, कम्तिमा स्मार्टफोनमा १४०० एमएएचको ब्याट्री हुनु राम्रो हो।

05 Cheaper Smart Phones_Smart Phones under 10 thousends_Dus Hajar Bhanda Sasta Mobile_Cheaper Mobiles in Nepal_Android Phones Karbonn Smart A2रयाम र प्रोसेसर

स्मार्टफोन एण्ड्रोइड र स्क्रिनले मात्र राम्रो हुँदैन। यसको महत्वपूर्ण कुरा भनेको यसमा रहेको रयाम र प्रोसेसरको क्षमता हो। यतिखेर बजारमा १२८ एमबी देखी १ जीबी सम्म रयाम भएका सस्तो मूल्यका स्मार्टफोन बजारमा उपलब्ध छन्। तपाइँले किन्ने फोनको रयाम ५१२ भन्दा कम हुनुहुँदैन। त्यसो त प्रोसेसरको क्षमता पनि ६०० मेगाहर्ज भन्दा कम हुनै हुँदैन।

अपरेटिङ सिस्टम

स्मार्टफोनलाई स्मार्ट बनाउने भनेको नै अपरेटिङ सिस्टमले हो। त्यसैले फोन किन्नु भन्दा अगाडि यो कुन अपरेटिङ सिस्टम रहेको फोन हो भन्ने जान्नुपर्छ। पछिल्लो समयमा सस्तो र एण्ड्रोइडको नाममा पुरानो संस्करणका अपरेटिङ सिस्टम भएका फोनहरु बजारमा आइरहेका छन्। जसका कारण कतिपय नयाँ एप र सुविधा जुन तपाइँ आफ्नो मोबाइलमा चाहनुहुन्छ त्यो उपलब्ध नहुन सक्छ।जसले तपाइँको फोन हुनुपर्ने भन्दा कम स्मार्ट हुन पुग्छ। त्यसैले एण्ड्रोइड मात्र नहेरेर त्यसको संस्करण पनि हेर्नु बुद्धिमानी हुन्छ। याद गर्नुस् तपाइँले किन्ने फोनको अपरेटिङ सिस्टम जेलीबीन भएको खण्डमा राम्रो हुन्छ।

04 Cheaper Smart Phones_Smart Phones under 10 thousends_Dus Hajar Bhanda Sasta Mobile_Cheaper Mobiles in Nepal_Android Phones Samsung Galaxy Star S5282एप्स

स्मार्टफोन किन्दा ध्यान दिनुपर्ने अर्को महत्वपूर्ण कुरा हो एप्स। हुन त एप्सहरु पछि डाउनलोड गर्न पनि सकिन्छ तर केही रकम तिरेर किन्नुपर्छ। नेपालका अधिकांश प्रयोगकर्ताले अनलाइनमा डलर कारोबार गर्न नसक्ने भएकाले निशुल्क डाउनलोडका लागि उपलब्धमा मात्र भर पर्नुपर्ने हुन्छ। ‘बोल्टवेयर’ भनिने फोनमा पहिले नै इन्स्टल भएर आएका एपहरु के के छन् त्यो जान्नु किन्नु भन्दा अगाडि आवश्यक हुन्छ। याद राख्नुस् तपाइँले एप किन्नुपरयो भने निक्कै हैरानको काम हुन्छ।

कनेक्टिभिटी

स्मार्टफोन किन्दा यसमा रहेका कनेक्टिभिटी क्षमता र सुविधाका ’boutमा जान्नु अर्को महत्वपूर्ण कुरा हो। स्मार्टफोन, एण्ड्रोइड अपरेटिङ सिस्टम भएका भन्दैमा फोनको कनेक्टिभिटी एकै खालको हुन्छ भन्ने हुँदैन। थ्रिजी तथा वाइफाइ नभएका पनि स्मार्टफोन बजारमा उपलब्ध छन् सस्तो मूल्यमा। त्यसैले किन्नु अगाडि नै यो कुरामा याद राख्नु नि फोनमा थ्रीजी, वाइफाइ तथा ब्लूटूथ सुविधा छ कि छैन।

Colors Xfactor-quad quore

सहज पार्टस् तथा निर्माण सुविधा

सस्तो मूल्यमा किनेको स्मार्टफोन किनेको केही महिनामा नै बिग्रियो र त्यसको सजिलै मर्मत गर्न सकिएन भने फेरी अर्को फोन किन्नुपर्ने हुन्छ। यस्तो अवस्थामा हुने दोहोरो खर्चले चौटा खान गएकी बुढी झोलमा डुबेर मरी बनाउँछ। त्यसैले फोन किन्नु भन्दा पहिले एकपटक उक्त ब्राण्डको फोनको सर्भिस सेन्टर घुमेर आउनु बुद्धिमानि ठहर्छ। र्सर्भिस सेन्टरमा आएका मानिसहरुले मर्मतमा पाएको हैरानी या सुविधाको कुरा सुनेर स्मार्टफोनको खरिद गर्नुभयो भने तपाइँको छनौट सही हुन्छ। उदाहरणका लागि कार्बन मोबाइललाई नै लिन सकिन्छ। सस्तो भनेर कार्बनको स्मार्टफोन किन्नेहरुले स्क्रिन बिग्रँदा पाएको हैरानी धेरै छन्। कार्बनले मोबाइलका स्क्रिन सहज रुपमा उपलब्ध नगराउँदा धेरै कार्बन मोबाइल लिएकाहरुले हैरानी पाएका मात्र छैनन् अर्को फोन किन्नु पनि परेको छ। त्यसैले काठमाडौंमा फोन किन्न लाग्नुभएको छ भने ताम्राकार कम्प्लेक्स न्यूरोडमा रहेका विभिन्न मोबाइलका सर्भिस सेन्टरमा एकपटक फोन किन्नु अघि अवश्य पुग्नुहोस्।